Wararka

Maalinta Caalamiga ah ee Cudurka Macaanka Qallinkii Ali Mohamoud Noor Ali-Eid

Today is World Diabetes Day!
Thu, 14/11/2013

MAALINTA CAALAMIGA AH EE CUDURKA MACAANKA
cali nuur
Xanuunka macaanka ayaa siyaabo kala duwan u haya dadyow badan oo dunida ku nool kuwaasi oo qaarkoodna ula nool yihiin si taxaddar leh kuwona joogaan marlaxado bilow ah halka qaar kalena u si daran ugu baahay oo irbado joogta ah jidhka ugula daalaan maalin walba.

Qiyaasaha dadka u aafeeyay xanuunkan halista ah ayaa haatan maraya 10kii qofba in midu uu qabo macaan aadamaha ku uuman kownkan aynu nool nahay, wadarta xanuunkani hayo ayaa imminka cagacagynaysa ilaa 400 oo Million oo ruux, taasoo la filayo in sannadka 2035 ay tiradoodu gaadho wax ku dhow 600 milliom oo qof.

Waxa jira dad badan oo kale oo aan isba ogeyn sababtoo ah baadhis caafimaad ayaanay samayn, waxa kaloo jira dad iyagu ka dhaxla waalidkood oo u sidaa ku haleelo, halka malaayiin ibna aadam ah u cudarkani galaafto noloshooda dunida oo dhan sannad walba.

Macaanka ayaa inta badan waxa sababa cuntada aynu cunno ee u badan carbohydrates ee aan dheelitirnayn halka isticamaalka sonkorta saayidka ahina ay sii kordhiso halis u ahaanshaha in cudurkani u ku haleelo taasi oo wacyigelinteedu ay aad ugu liidato bulshada aynu ka soo jeedno.

Haddaba maalintan lagu xusayo xanuunka macaanka ah ayaa ah mid laga leeyahay ujeeddo aad u qoto dheer oo wacyigelineed, waa farriin toos ah iyo digniin adag oo loo jeedinayo ugu inta la ildaran si ay ugu fooganaadaan cilaajkooda iyo inta aan qabinba oo iyagana la farao inay ka foohignaadaan sababaha u keeni kara cudurkan oo ah mid qof waliba u goor kastaba filan karo.

Xuskan ayaa dhanka kale ah farriin ku socota dalwadaha iyo hay’adaha caafimaadka u qaabilsan oo laga rabo inay laban laabaan juhdiga loogu gargaarayo dadka xanuunkan qaba oo xarumaha daryeelka la kordhiyo iyo inay bulshada baraan hannaankii ay kaga badbaadi lahaayeen, sidoo kale waa dardaaran ku socda qof kasta oo ibna aadam ah oo lagu dareen gelinayo inu daryeelo dadkiisa xanuunkani u hayo oo ay dhici karayso inu jiro qof qoyskaaga ah, mid kula jaar ah, mid aad saaxiibbo tihiin iwm. si aad ugu fidiso gacanta ay kaaga baahan yihiin ama aad hiil iyo hooba ugu hurto ibna aadminnimo darteed si aad uga khafiifiso dhibka ay qabaan.

Ali Mohamoud Noor Ali-Eid

Be Sociable, Share!

The Latest

To Top