Suugaanta

KIJAANDHE Gabay uu tiriyey Abwaan Haybe Axmed Yuusuf

haybe

Niman yohow kudkii UDUB diloo, kaarayaa yimiye

Wuxu soo kadleeyaba haduu, kiciyey eelkiiye

Mudo wuxu kurmaasnaa haduu, yimi kawaankiiye

Kulmiyuu haleeloo beryahan, kariyey waabey’e

Keenada markuu geliyey ee, kuruska soo gaadhey

Kurbadiyo xanuunkiisibaa, kiciyey ruuxdiiye

Kacbablaynta waayaha wakaa, kooxo saanyadaye

Xusbigii karaamada lahaa, kici dareenkiiye

Ayax keenyey kumanaan dhaliyo, kaare iyo qaylo

Waxan ina kit kidayaana waa, koronkor kiisiiye

Kaftankaad ogaydiyo ma jiro, kiilalkii beriye

Kalgacaylka dhicisoobey iyo, kaarto xumadooda

Kurdish iyo haday qaybsadeen, kilil agoomeede

Kalfadhiga galbeedaysaniyo, kaadhadh kiyo boobka

Kootada markii loogu xidhay, kiciye dhiigiiye

Kabkii qaranka kobocii bulshada, kaash la kala qaato

Kaalmada markii loogu shubay kiishka, lagu qaaday

Kudladii golaa dhexe markii, kolayga dhaameelka

Kuubaan sidiisii hadii, kubada loo buuxshey

Inyaroo karaamada aliyo, kani adayg muujey

Kaaftoon markay muujiyeen, koobki saanyade’e

&&&&&&&&&&

Afartaa kuruuskii hubkiyo, kalakac waayeel dhe

Katabaan maryii lagala baxay, kolayo caydheed dhe

&&&&&&&&&&&

Kartidii samaaliyo ragii, kaabadaha taagey

Kiintaarka nimankii xadhkaha, koorasyada haystey

Kaambeynki oon imanin baa, kaadirkii baxaye

Waataa kijaandheba cabdoow, kiiniyow qaxaye

Kongaaba laga sheegayaa, kiis lasoo furo’e

Kelmed daahir yidhibaa dadkii, keenay maalmahane

Kalaamkii raxmaankoo amniga, kabaya mooyaane

Keebkaaba lagu sii hayaa, kaashadaa qoriye

Karaashoofka nimankii bulshada, kadimadaw buuxshey

Ee kibirku laayaa markale, kaabigaw galaye

Koox kooxo weeyaan xusbiga, kadimo weyntiiye

Kudladaha baxaayiyo hadaan, kelida miisaamo

Kaanuu sidiisii hadaa, kuuli soo hadhaye

&&&&&&&&&

Afartaa karaamada xusbiga, karin dabayloodle

Kudlad miiqan kaanbeyn fashilan, kiisla garan waayey

Keli talis hankiisiiyo bulshooy, kaarto aan socon dhe

&&&&&&&&&

Nin siyaasad lagusoo korshoo, keena calankeena

Iyo Waxa lakool kooliyaa, king lasoo xulaye

Kacaankii afweyniyo ninkii, kibidhigii joogey

Kaalmaba masiiyeen askari, kaynka soobaxaye

Keli talisna wuu garanayaa, kuray caruureede

Kadantaye alahayoow bulshadu, nabada noo kaydi

Kubad aan cadaaladi dhex ool, waa kadeed qarane

Hadiise awr kabaalkiyo xadhkaha, kebedu duugowdo

Kaynaanka geediga ma galo, kuure oomaniye

Kiiskaa xusbigu waa midaan, lagu kalsoonayne

Anagoo kalgacalkii bulshada, kadimadow taagan

Madaxweyneheeniyo kursiga, keli umaamuusay

Anigoo kor joogaha bulshada, kaadhadhka uqaybshey

Kordhin kale inlagu siiyo oo, kedisa mooyaane

Kudladaad wadaa waa midaan, lagu kalsoonayne

Waa karin dabaylood lehiyo, kedis caruuroode

Waa Kadin banaanaaday Iyo, kiis horow jabaye

Waa kabadhe lagu guurayiyo, kayn anroob heline

ALAA MAHADLE
HAYBE. AHMED. YUSUF

Be Sociable, Share!

The Latest

To Top