Suugaanta

Cali sugule dhimay (Baroordiiq) Abwaan Mubarak Qoorubaxay

qoorubaxaySweden(saraarnews) Gabaygan barroordiiqda ah oo ku saabsan grridii naxdinta lahayd ee ee Abwaan Cali Sugule Cigaal (dun carbeed) waxaa tiriyey Abwaan Mubarak qoorubaxay, wuxuun a ku bilaabay.

Inkastoo wed waa loo dhashaye laga dhamaanaayo
Oo dunidu dhalandhool tahoo la iska dheelmaayo
Cali Sugule dhimay baa la yidhi dhaaftay rubadiiye
Dhulka way ku idishay Cabdoow dhiilladaa timiye
Dhabarkuu ka jabay gabay hadduu dhiiri leeyahay
Dhambaal laga naxaa baa qurbii noogu soo dhacayE
Dhinac baa bannaan maansadii dhumucda waynayde
Taariikhdi uu noo dhidbiyo dhaxalki uu reebay
Diiwaanadii uu dhigaan abid dhamaanayne
Oday uu ku dhaatuu ahaa Dhaqanka soomaale

Markaan guusha dhaabniyo intaan calanka dhawraynay
Hayaaydiisu way dherersanayd dhiiga kicisaaye
Halhaysyada dhalaan iyo caruur lagu dhawaaqaayo
Dabka dhagax inaan lagu dhufano cidi ku dheeldheelin
Oon labada La isuna dhoweyn ee la kala dhawro
Weligii dhabcaal kuma ahayn dhihitinkiisiiye
Allahayoow dunuubtiisa dhaaf maanta naga dhoofye

Dhuuntuu gumaystihi u galay dhuumasho la’aane
Dhawr goorna waa tii xabsiga ay ku dhababeene
Weligii kamuu dhawrsan jirin gaal ka dhiidhiga’e
Allahayoow dunuubtiisa dhaaf maanta naga dhoofye

Haddii dhalan wanaag ruux lahaa waw sal iyo dheehe
Nin salaadda dhawruu ahaa oon qale u dhigane
Sadaqada nin dhiibuu ahaa dhaafin ruux qadaye
Allahayoow dunuubtiisa dhaaf maanta naga dhoofye

Dhaglasoow  dhamaanteen dhabuhu wayna sugayaaye
Tiisii dhuyaashee inaguu hadhay dhibkeediiye
Nin kastoo la dhooldhooliyaba wuu dhifsanayaaye
Wallee dhoobadiyo ciidu way sii dhamcinayaane
Allahayoow dunuubtiisa dhaaf maanta naga dhoofye

Be Sociable, Share!

The Latest

To Top