Wararka

Abwaan Dhaglas oo KULMIYE ka baxay kuna biiray Wadani

Dhaglas11London (saraarnews) Abwaan Maxamed Xasan Dhaglas oo ka mid ahaa taageerayaashii Xisbiga KULMIYE iyo madaxweyne siilaanyo suugaan badana ku taageeray ayaa xisbigaa ka kuddaalay kunna biiray Xisbiga wadani, qoraal kooban iyo geeraar la socda oo uu na soo gaadhsiiyey wuxuu ku yidhi sidan.

“Nin baa igu yidhi ma Cabdiraxmaan Cirro baad dooranaysaa markaas baan idhi, “haa” markaasuu yidhi, “ma dhici karto” markaas baan geraarkan tiriyey.”

Doolaalow faraskaygu
In badan buu dabranayoo
Inta aan ku dulaalo
Dirir aan ka ilaashaye
sidii doox rogmanayoo
Hadba laag ku dilaacday
Biyihii ku dartay
Geeraarkaan ded lahaa baa
Derbiyo soo jabsadoo
Dibnahaa i cunayee
Dunidoo dhan ha gaadhee
Dhegaha so duwa caawa

Dadka dooliyo howd
Laascanood dacalkiisiyo
Daraawiish xarunteeda
Dhahar daallo Sanaag
Degmadeena Togdheer iyo
Damal weynta Hargaysa
Dekadii Berberaad
Dilla Boorame Saylac
Daayin keen ku abuuraye
Inta uu isku daabay
Dir qudheeto ka yeelay
Wax badan baa laysku dirayoo
Daamo loo kala qeybshayoo
Dillaal uu ka macaashaye
Aan qabyalad ka doognee
Ila doorta Cirro

Sida aar debad meerahoo
Daallanoo ay ku harraaday
Marka aan u dayaamo’e
Dalqada u kala qaado
Fuluhu waa ka didaa
Danyaqaanka ka gaboobiyo
Dadkuse waa mahadshanoo
Hablaha Deeqiyo Luulina
Mashxarad baygu daraan.

Afartaas dig ka siiyayo
Arartii weeye duleede
Dulucdii lama gaadhine
Duul baan dayn kulahaa iyo
Dowladi maaha amaahe
Dadku wow simanyiin
Ana daymada dhow iyo
Han aan daarada dhaafin
Ka da’weyni halkaa
Ila doonanaysaano
Doqon baan weligeed
Dadka ruuxa udhow iyo
Deriskeed ximisee
Waxaan ahay duug nololeed iyo
Nin danbaysada dhowra oo
Diin teenaa odhanaysa
Deeq ilahay ku siiyay
Dulmanaa ugu hiiliye
Wax badan bay dannideenoo
Dacal lay tirinayee
Doorkan aan is cadeeyee
Isagaan deg degaynoo
Daacad baan ku hubaaye
Aan qabyalad ka doognee
Ila doorta Cirro.

Markii ay talo doontaye
Odaygii iska daayay
Hadii aan dersay caawa
Wadani baa maanta dal keena
Durufaa yaala ogsonoo
Doraad oo u danbasay
Yurub buu ka dhex doodaye
Ninka dooxa Burco
Duubka loogu xidhayee
Hadba reer u dusaaya
kuma doorsan karaya oo
Khaayin maaha dad gaari
Sida gaadhi duwanoo
Damiir kayga wanaagsan
Dolar goyn karayaa
Dunidaaba ma yaaloo
Daafad loo heli maayo
Digteeter aan wax maqlayno
Isu keen dibirshee
Aan qabyalad ka doognee
Ila doorta Cirro.

Be Sociable, Share!

The Latest

To Top