Wararka

Xil: Nac-nac Oo Sheegay Inay Soo Celinayaan Mooshinkii Maamus Ka Xayuubinta M/weyne Riyaale iyo Ku Xigeenkiisa

Saraarnews: Xildhibaan Axmed Maxamed Diiriye Nac-Nac oo kasoo laabsay safar uu ku maqnaa dalka Boqortooyada ingiriiska ayaa sheegay in haddii ay gudoomiye-kuxigeenada golaha guurtidu joojin waayaan mooshinka ka dhanka gudoomiyaha golaha guurtida Saleebaan Maxamuud Aadan ay iyaguna golaha wakiilada usoo gudbin doonaan mooshinkii maamus ka xayuubinta Madaxweyne Riyaale iyo Kuxigeenkiisa.

Xildhibaan Axmed Maxamed Diiriye Nac-Nac waxa uu sheegay in arimaha ka dhex socda guurtida ay lid ku yihiin lixdii qodob ee asxaabta qaranku ku heshiisay. Mr Nac-Nac wuxu uga digay kusimayaasha shirgudoonka guurtida, Xukuumada Riyaale, iyo xildhibaanada taageersanba in haddii ay sii wadaan mooshinkaas ay iyaguna si dhakhso ah boodhka uga tumi doonaan mooshinkii xilka qaadista M/weyne Riyaale iyo kuxigeenkiisa Axmed Yuusuf Yaasiin

Xildhibaan Nac-Nac mar la waydiiyay sida uu u arko mooshinka dhex mirayanaya golaha guurtida oo maalinta berri ah (jimcaha) loo balansan yahay codqadistiisa waxa uu yidhi “waxba ma bedeli karaan laakiin waxay wadaan isqabsigii iyo murankii aanu kasoo gabownay aanu ka heshiinay mar haday waxaa bilaabaana waa waxoodii (murankoodii)”

Source Radio Horyaal
Hussein Guuleed Howle “Afgaab”
Columbus Ohio afgaab15@hotmail.com

Be Sociable, Share!

The Latest

To Top