Faallo: Arinta Kooxda Khaatumo seeg waa Maxaan Daaco Habareedeey ku maqlay !

DR Cali Khaliif Galaydh wuxuu ka mid ahaa Aqoonyahanadii Beesha Dhulbahante ee uu Hogaaminayey Garaad Cabdi qani Garaad Jaamac (AHUN) ee 18 .05. 1991 Seeska u dhigay Gooni isu taagii Somaliland, wuxuuna dhawr goor holiyey inuu Somaliland ka noqdo Madaxweyne ku xigeen ama Ra’iisal wasaare.

 

 

Dr Cali khaliif galaydh wuxuu ka mid aha dadkii markii Calanka Somaliland Burco laga taagay heesaha Qiirada Somaliland wata Jeebka kala soo baxay ee muujiyey sidii loogu hungoobay Xukuumadii Afwayne Barre ee uu ka goostay, ummadana u sheegay in Somaliland tahay wixii uu inbadan raadinayey. Heestan ayaa muujinaysa sidii Ururkii SNM guushooda loogu farxay sida fiican ee ay Gobanimada u dhaliyeen.

 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 

waan aqoonsanaynaa
Ururkeena Xoogoo (SNM)
waxay nooga aareen
Uubatadiyo yeeydii ( Afweyne Barre)
agoonta iyo maatida
ka idlaysay maalkee
Idilkeenba shicibkoow
waa inaynu iidnaa
 
 

Garaad Cabdi Qani Garaad Jaamac (AHUN) oo kasoo jeeday qoys xurmo weyn ay u hayn jireen bulsho weynta Somaliland ku nooli Barri iyo Galbeed , Qoyskaas oo ay dhab ka ahayd gooni isu taaga Somaliland, marka laga reebo Garaad Binti Junior oo aan isagu fahamsanayn macanaha ay leedahay , ayay is qabteen Madaxweyne Cigaal (AHUN), sanadkii 1997 cadhadii halkaas ka dhalatayna waxay keentay Abuuritaankii Puntland 1998-kii.

 

 

 

DR Cali khaliif wuxuu sanadkii 2000 Ra’iisal wasaare ka noqday xukuumadii Carta ee Cabdiqaasim salaad xasan oo dadka reer somaliland u yaqaaneen Cabdi Qasab Salid Xaasid, Sababta oo ahayd iyadoo cabdiqaasim doonayey inuu ka horgeeyo Colaada uu u hayey Labo qabiil oo kala ah Majeerteen iyo Isaaq, sababtoo ah wuxuu ka mid ahaa ama ahaa wasiirkii Arimaha Gudaha ee Afweyne Barre waxaana loo tiriyaa Dunuub uu ka galay shacabka Reer Somaliland, inkastoo intii aan CARTA Madaxweyne loogu dooran Hargeysa Marxuum Cigaal ka sii jicsimay markii danbena uu ka abaaldaray Aflagaadona u geystay Bulshada Somaliland.

 

DR Cali Khaliif Galaydh ayaa waqtigaa ku jiray hawlo ganacsi oo kale oo balaadhan haba u badnaadeen dhinaca isgaadhsiinta, sida isagoo Saamiga ugu badan ay ku lahaayeen Shirkada SOMTEL Sadex nin oo uu ku jiraa oo kala ahaa Maxamed Siciid Dahabshiil, Cabdiraxmaan Boore (Djibouti) iyo Isaga Cali Khaliif.

 

Garaad Jaamac Garaad Cali (Garaad binti) intii aanu dhiman Adeerkii Garaad Cabdiqani Garaad Jaamac wuxuu ku noolaa wadanka debediisa gaar ahaan USA isagoo aha nin dhalinyaro Qurbejooga , Xirfada Tagsiilenimada ku shaqaysta inkasta oo markii danbe Balwada dhalinyaro jiidatay. wuxuuna ka mid ahaa sanadihii danbe Dhalinyarada ka qalaada Aallada Paltalk isagoo soo qaadan jiray Wacays Garaad, halkaas oo ah meel aan lagu qiimayn karin fikirka cid ama qabiilo qabto laakiin ah meel dadka qaar iskaga nefisaan  kana sheegaan wixii saacada ay joogaan ku soo dhaca. Halkaas ayaa la sheegay inuu ka qaaday Cuqdad balaadhan oo la xidhiidha Qabiilooyinka Somaliland qaar ka mida iyo Somaliland Lafteedaba. Paltalk waa meesha laga aasaasay Khaatumo iyo kooxdii ka horaysay ee magacoodii Naanaysta laga xumeeyey ee SSC.

 

Nin Noolba Meyd Qabsay

 

 

 

 

 

 

Markii uu geeriyooday Garaad cabdiqani Garaad Jaamac (AHUN) sanadkii 10-02-2006 ayaa loo arkay Ninkan dhalinyarada ah nin ay ku jirto Colaada beelaha Isaaq isla markaana aan ahayn sidii Adeerkii nin Somaliland aad ugu weyn tahay, waxaana Magaalada Laascaanood loogu caleemo saaray iyadoo ragii arintaa gadhwadeenka ka ahaa uu ka midyahay Saciimka reer Somaliland cadhada kaga maqnaa laakiin ruuxdiisu la joogtay intuu Garowe ku maqnaa ee Axmed Cabdi Xaabsade. Sidaas baana lagu Caleemo saaray Garaadkan Dhalinyaroobay.

Halkan ka dhegayso hadalkii Garaad BINTI magacu ugu baxay :

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 

Shidaaradaha Dr Cali khaliif Galaydh waxaa ka mid ah isaga oo aan jeclayn in siyaasi kale oo beeshiisa ka soo baxo waana nin jecel inuu dabaysha hadba u raaco dhinaca ay u dhacayso, fursadahana isku daya inkasta oo badankooda aanu ku guulaysanin. Waxa keliya ee uu ku guulaystay waxa ugu danbeeyey lawareegidii taladii iyo Maamulkii kooxdii Xaglotoosiye hogaamin jiray ee SSC.

 

 

 

 

Dhegayso: Dr Cali khaliif oo xaqiraya Xaglatoosiye kuna tiiqtiiqsanaya sidii uu karkaarka u waydaariyey isaga iyo Cali sabarey dhinaca kalena Amaanaya Garaadkiisa Garaad Binti.

 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 

Si uu kooxdaas SSC majaraheeda ula wareego isagu, Dr Cali Khaliif galaydh wuxuu u samaystay kooxo dhawr G oo markii hore uu midba qorshe ugu talo galay tusaale ahaan.

  • G6 oo uu ugu tallo galay inay Somaliland ka qabtaan xilalka sare sida Madaxweyne xigeen , wasiiro iyo Gudoomiyaasha Golayaasha Qaranka
  • G15 Debeda oo uu ugu talo galay Golayaasha Wakiilada usoo gelaya beellaha Dhulbahante inkasta oo ay imika ku leeyihiin Baarlamaanka 13 xubnood.
  • G15 Gudaha oo uu ugu talo galay Gollaha Guurtida usoo gelaya beellaha Dhulbahante
  • G47 oo uu ugu talo galay Xubnaha golayaasha deegaanka ee Beesha Dhulbahante.

Qoshahaas waxaa ugu hoos nabnaa ama uu watay in KHAATUMO noqoto Urur siyaasadeed Somaliland ah oo lagu gaadho tartanka madaxweyne ama kuxigeenka Somaliland.

 

 

 

 

 

Sida siyaasiga Maxamed Khaawi sheegay Qorshaha Khaatumo ma ahayn marna mid lagaga horimanayo dawlada iyo qaranimada somaliland ee wuxuu ahaa mid dhulbahante dhinac isugu lugo duwanayo, oo mala malaynba ma lehee beeshaas dhulbahante Somaliland si dhan ugaga mid noqonayso oo Puntland iyo xuduuda Barriga lagu soo xidhayo.

 

Taas waxay keentay inuu doonto Dr cali khaliif galaydh raga mashruucaas kala midho dhalin karaya oo badidoodu dano dhaqaale, dhaqan iyo qaar siyaasadeed Somaliland ka yaalaan. Taas baana ugu waynayd oo sabab u ahayd inay dhinaca Somaliland ka helaan kharashii ku baxay shirka Khaatumo I iyo Khaatumo II waxana la sheegaa in somaliland shirkii

 

  • London ee Khaatumo I ugu deeqday lacag US$300.000 (Sadex boqol oo kun dollar)
  • Taleex ee Khaatumo II ugu deeqday lacag US$500.000 (Shan boqol oo kun dollar)

Miyaad Illowsantahay intii aan shirka taleex bilaabanin dhawr Maalmood ka hor

  • In sida la sheegay Wasiir Xaabsade oo wata dhawr gaadhi oo tikniko ahi ugu tegay Garaad Jaamac Garaad Cali deegaankiisa Saaxdheer isaga oo sida sooryo ninweyn oo garaadka loogu tallo galay.
  • miyaadse illoowsan tahay Kulankii wasiirka Ganacsiga Somaliland iyo Garaadkii Garaad Jaamac Garaad Ismaaciil ee Nayroobi.
  • Mase ogtahay in Xaabsade iyo Ina khaliif dawdar wasiirnimadooda ay ka danbeeyeen Labada Garaad Jaamac oo ay Siilaanyo xidhiidh la sameeyeen. Arimahaas oo dhami waxay ku tusayaan meesha sheekadu u socotay iyo sida la isugu dabaal joogtaynayo.

Kooxda Cali Khaliif iyo Khaatumo waxaa ka hortimi mucaaradad ay ugu wacnayd xaaladihii nabadgelyo darro ee ka dhacay degaamada kalshaale iyo Buuhoodle taasina waxay keentay in qorshihii ay wateen ee somaliland wax kayara bariiqdaan, Waana ta keentay inay is daad raaciyaan oo meeshaas ay ka soo baxdo wax lagu sheegay Maamul goboleed aan taageersanayn Puntland iyo Somaliland midna.

Waxa kale oo ka horyimi Xaglatoosiye  Kooxdii uu Hogaamin jiray oo ay ugu wacnayd quudhsiga uu kala kulmay kooxdaas Cali Khaliif hogaamin Jiray oo Saleebaan Xaglotoosiye ku diray dumarkii iyo Caruurihii buuhoodle oo loogu sheegay inuu cid kale u adeegayo waxayna keentay meel kasta oo uu istaago Cali Khaliif iyo Kooxdiisu  Xaglatoosiye  Heestan ka daba qaadaan:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 

Dhinaca Kale xaflado ayaa dumarku iyo caruuruhu ka dhardhaareen daafaha dunida lagu soo dhoweynayo Magacaas la sameeyey, taasina waxay Dr cali khaliif tustay in mar kale uu hunguri ka galo inuu Muqdisho ula abraaro si uu ugu gaadhi garo Xilka Ra’iisal wasaaraha Soomaaliya.

 

 

 

 

 

 

 

Inkasta oo beesha Majeerteen tahay cida markasta loo dabo fadhiisanayo talada Daarood marka ay timaado waxqaybsiga ayaa Dr Cali Khaliif wuxuu isku deyey inuu u samaysto isbahaysi siyaasadeed beellaha Daarood ah oo uu ku jebiyo Laxaadka Beellaha Maxamuud Saleebaan oo u kaltama hogaaminta Puntland cid kalena aan waxba uga ogolayn. Isbahaysigaas oo ka kooban Beellaha Mareexaan, Ogaadeen, leelkase iyo Dhulbahante  inta Kooxda Khaatumo taageersan, isagoo qolo walba nabar ay ka damqato oo Beesha Majeerteen baday u sheegay.

 

 

   

 

 

Dr Cali Khaliif Galaydh iyo kooxdiisii uu samaystay waxaa la kulantay labo ayaandaro oo kala ahaa iyadoo isbahaysigii uu sameeyey mid kastaabna badka soo dhigatay musharax ay wadato sida beesha Mareexaan oo Farmaajo keentay, beesha Ogaadeen oo Prof Gaandi wadata iyo leeylkase oo noqday Xaydha jecli beerka jecli maadaama Prof Siciid Sh Samatar si weyn u dhaliilo habdhaqanka Cali Khaliif Galaydh. Arinta labaad ayaa noqotay Guuldarooyin balaadhan oo ka raacay goobihii dagaalka oo qasaare balaadhan oo ay ka waaqsan waayeen ka soo gaadhay taas oo Cali khaliif ku kelifta inuu nabad ugu baaqo Somaliland.

Dhegayso: Dr Cali khaliif oo colaadii sida yar uu dadkiisa ku geliyey ay soo kartay , dhaxalkeediina noqday Kabahaanu Afka ku qaadaynaa.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Khaatumo waxaa dadkii iyo Maatadii ay lugooyeen ka dhaxleen:

  • Colaad iyo dhibaato ay dadkii Reer somaliland ee ay dhaqanka iyo dhulkaba wadaageen u geliyeen
  • Dhalashadii hartinimo awelba looma diidanayne oo ay xumaan ku bedesheen oo Puntland ay isa seegeen
  • Muqdisho oo ay kusoo hungoobeeneeen.

 

Kooxda Khaatumo Maxay maanta doonayaan ee dantu yeelsiisay:

 

  • Garaad Jaamac Garaad cali ” Garaad Binti” oo Doonaya Kursiga Gudoomiyaha Guurtida Somaliland.
  • Dr Ali Khaliif oo Doonaya Madaxweyne Xigeen Ama Ra’iisal wasaare.
  • Dr Cali ciise oo doonaya Gudoomiya Bankiga
  • Axmed Karaash, Biindhe, iyo Indhosheel oo u Gorgortamaya wasiirada dhulbahante ee Somaliland .

 

 

 

Arinkan ugu danbeeya ayaa u muuqda mid garawshiinyahiisa yeelan kara haday Nabada si buuxda u qaataan kooxdaasi iskana ilaawaan waxan aan jirin ee ay nafta moodeen, laakiin waxaa ka horaysa inay Madal ka cadeeyaan inay faraha ka qaadeen Mala awaalkii ay kujireen iyo colaad hurintii baahsanaynayd, si buuxdana u cadeeyaan inay yihiin Somaliland waabay ahaayeene.

Guntii iyo gebogebadii waxaynu odhan karaa Arintii kooxda Khaatumo seeg waxay ku soo ururtay odhaahda tidhaahda:

Maxaan daaco habareedeey ku maqlay !

 

 

Be Sociable, Share!
Warning: scandir(): open_basedir restriction in effect. File(/customers/b/3/5/saraarnews.com/httpd.www/wp-content/themes/city-desk/../../../../) is not within the allowed path(s): (/customers/b/3/5/saraarnews.com/httpd.www:/customers/b/3/5/saraarnews.com/httpd.private:/customers/b/3/5/saraarnews.com/tmp:/customers/saraarnews.com/saraarnews.com:/var/www/diagnostics:/usr/share/php) in /customers/b/3/5/saraarnews.com/httpd.www/wp-content/themes/city-desk/footer.php on line 10 Warning: scandir(/customers/b/3/5/saraarnews.com/httpd.www/wp-content/themes/city-desk/../../../../): failed to open dir: Operation not permitted in /customers/b/3/5/saraarnews.com/httpd.www/wp-content/themes/city-desk/footer.php on line 10 Warning: scandir(): (errno 1): Operation not permitted in /customers/b/3/5/saraarnews.com/httpd.www/wp-content/themes/city-desk/footer.php on line 10 Warning: Invalid argument supplied for foreach() in /customers/b/3/5/saraarnews.com/httpd.www/wp-content/themes/city-desk/footer.php on line 12